അപകടത്തില്‍ ആശ്രയം

ശത്രുക്കളെറെയാണെന്റെ ചുറ്റും എന്റെ 

കർത്താവു മാത്രമാണെൻ സഹായം...

എൻ രക്ഷാകവചവും മഹത്വവും ദൈവമേ 

ശിരസ്സുയർത്തിടുവാൻ കാരണവും നീ.. 

ഉച്ചത്തിൽ ഞാനെന്റെ കർത്താവിനെ 

വിളിച്ചപേക്ഷിക്കുന്നു താഴ്മയായി.. 

വിശുദ്ധമാമവിടുത്തെ പർവതത്തിൽ നിന്നും 

കർത്താവുത്തരം നൽകിടുന്നു...

സ്വസ്ഥമായ് ഞാനിന്നുറങ്ങീടുന്നു.. 

ഭദ്രമായ് നാളേ ഉണർന്നീടുവാൻ....

എന്തെന്നാൽ ഞാനങ്ങേ കരതാരിലല്ലേ  കർത്താവേ നിത്യവും ഉറങ്ങിടുന്നു..

ശത്രുക്കളെന്നെ വളഞ്ഞീടുമ്പോൾ 

കർത്താവിനെ ഞാൻ വിളിച്ചു കേണു.. 

മോചനത്തിൻ കരം നീട്ടുന്ന ദൈവമെൻ 

ഭയം നീക്കി എന്നെ അനുഗ്രഹിച്ചു...