മനുഷ്യൻ സൃഷ്ടിയുടെ മകുടം

സങ്കീര്‍ത്തനങ്ങള്‍ 8 : 1

ഭൂതലമെങ്ങും തിരുനാമം എത്ര മഹനീയം
കർത്താവേ..  
കർത്താവേ ഞങ്ങളുടെ കർത്താവ 2
മേഘങ്ങൾക്കും മേൽ ഉയർന്നിടട്ടെ
അവിടുത്തെ തിരുനാമം കർത്താവേ
കർത്താവേ ഞങ്ങളുടെ കർത്താവേ 2

ശത്രുഗണത്തെ നിശബ്ദമാക്കാൻ
അധരത്തിൽ വചനത്തിൻ കോട്ടകെട്ടി
തിരുക്കരത്താലങ്ങ് മെനഞ്ഞ വാനിൽ
താരാചന്ദ്രാദികളെ കാണുന്നു ഞാൻ
കർത്താവേ ഞങ്ങളുടെ കർത്താവേ 2

യോഗ്യരല്ലെങ്കിലും മർത്ത്യരെയെത്രമേൽ
മഹിമയിൽ അങ്ങ് മെനഞ്ഞെടുത്തു
വാനവരെക്കാൾ ഒരല്പമാത്രം താഴ്ത്തി
സൃഷ്ടിതൻ മകുടമായ് മെനഞ്ഞെടുത്തു.
കർത്താവേ ഞങ്ങളുടെ കർത്താവേ 2

സൃഷ്ടികൾക്കെല്ലാം അധിപനാക്കി സർവ്വ
സൃഷ്ടികളെയും നീ അവനു നൽകി
സർവ്വ ചരാചര സൃഷ്ടാവാം കർത്താവേ
തിരുനാമം പാടിവാഴ്ത്തിടുന്നു....
കർത്താവേ ഞങ്ങളുടെ കർത്താവേ 2